1.1. SECTORES PRODUCTIVOS RELEVANTES EN GALICIA

A análise do Sistema Productivo de Galicia permítenos identificar o conxunto de actividades cun alcance sectorial que configuran os complexos ou núcleos interconectados da economía galega. Moitas desas actividades constitúen sectores dinámicos e/ou de futuro, con potencial de exportación e que se basean no aproveitamento dalgúns recursos endóxenos de Galicia, ben sexa pola súa vinculación á dotación específica de recursos naturais da comunidade ou pola súa implantación e tradición singular.

Tendo en conta, o grao de implantación en Galicia, a súa incidencia directa e indirecta no emprego, así como as oportunidades potenciais de ir configurando cadeas empresariais (clusters) de actividades interrelacionadas que sirvan para asentar as posibilidades de futuro da base industrial de Galicia, podemos mencionar como principais complexos de actividades os seguintes:

Complexo agrogandeiro
Complexo silvicultura/ madeira
Complexo mar/industria
Complexo de actividades prioritarias da industria
Complexo de turismo, loxística e servicios ás empresas