B) Complexo silvicultura /madeira

Está integrado pola silvicultura, a explotación forestal e as actividades da cadea de transformación desde aserrío ata outras industrias da madeira. A posición de Galicia na canalización de fluxos de importación da madeira e os seus transformados é importante, o que sitúa o complexo nun primeiro orden dentro de España.

As condicións naturais galegas permiten altos rendementos de producción madeireira, podendo así beneficiarse o sector industrial da proximidade de abastecemento e do seu nivel tecnolóxico.

Os principais productos son: celulosa, papel, taboleiros e aserrío polo que podemos mencionar os seguintes subsectores:

- Aserrío: Inclúense as actividades de producción e cortado, envases e embalaxes e serradoiros.

- Chapa e taboleiro: Producindo, xeralmente, chapa decorativa, taboleiro contrachapado, taboleiros de partículas e taboleiros alistonados. O destino dos productos destas actividades son fundamentalmente a industria da carpintería, mobiliario e embalaxes así como a da construcción e do automóbil.

- Pasta e celulosa.

- Carpintería.

- Fabricación de mobiliario.

- Papel e cartón

- Comercialización: Entre os comercializadores destacan os de madeira, que canalizan a venta dos productos de aserrío, carpintería e chapa, e taboleiro; os de mobiliario, que canalizan as vendas de fabricantes de mobiliario e papel e cartón.

Neste sector atópanse importantes xacementos na fabricación de productos finais.