171
A ENTREVISTA PERSOAL
A entrevista persoal é unha conversación preparada na que o/a entrevistador/a interroga á/ó candidata/o e avalía as posibilidades deste para ocupar un posto de traballo concreto na empresa. Neste proceso comunicativo, tanto o/a entrevistador/a como a/o entrevistada/o teñen uns obxectivos.
Obxectivos do/a entrevistador/a:
-Recoller a maior cantidade de información sobre a/o candidata/o, averiguando se é a/o axeitada/o para o posto.
-Descubrir se a/o candidata/o pode, sabe e quere ocupar o posto
-Predecir o rendemento da/o candidata/o no posto
-Proporcionar información sobre o posto de traballo e sobre a empresa
Obxectivos da/o entrevistada/o:
-Presentarse favorablemente e venderse á/ó entrevistada/o
-Avaliar o posto de traballo e a empresa en relación cos seus intereses persoais.
Tipos de entrevista
En realidade pódese afirmar que existen tantos tipos de entrevista como empresas ou seleccionadoras/es, pero aínda así pódense mencionar as seguintes como as máis habituais:
Entrevista de selección estándar
Entrevista informal
Entrevista de choque
Entrevista en profundidade
Entrevista múltiple
Entrevista en grupo
Fases da entrevista
Este proceso de selección acostuma a pasar por tres momentos:
- Preparación: o/a entrevistador/a toma unha primeira idea da/o entrevistada/o, recollendo información da súa solicitude, a puntuación das probas, etc.
- Desenvolvemento: é onde ten lugar o “cara a cara”, a entrevista propiamente dita
- Avaliación : onde o/a entrevistador/a integra a información recollida e toma as decisións oportunas
Consellos para a preparación da entrevista
- É importante volver a ler o currículum que se remitiu, para asegurarse de que a información que se vaia a dar na entrevista sexa coherente co curriculum
- Volver a analizar o anuncio, a convocatoria, reflexionando sobre as condicións excluíntes e as valoracións, pensando como contestar cando pregunten por elas.
- Intentar recadar información sobre a empresa
- Preparar as preguntas que se queren facer
- É imprescindible preparar en profundidade os propios puntos fortes e débiles.