1.3. NOVOS XACEMENTOS DE EMPREGO

O concepto de Novos Xacementos de Emprego aparece por primeira vez no recoñecido “Libro Branco sobre Crecemento, Competitividade e Emprego: Retos e Pistas para entrar no século XXI”, dirixido por Jacques Delors. Con este documento desencadeouse unha nova filosofía das políticas de emprego, que se basean na activación de servicios que colmen as necesidades insatisfeitas da sociedade.

O trazado dos Novos Xacementos de Emprego parte da constatación de que existen necesidades na poboación que non están satisfeitas. Así este trazado baseado nas necesidades insatisfeitas ou mal resoltas, reportaron un conxunto de actividades moi heteroxéneas, que se poden clasificar nos seguintes grupos:

1. Servicios da vida diaria
2. Servicios da mellora do marco de calidade de vida
3. Servicios de ocio
4. Servicios de medio ambiente