209
¿Que ocorre nun suposto especial de traballadores contratados en España para ser desprazados?
Cando unha empresa española contrate traballadores para desprazalos a outro Estado membro, só terán a característica de desprazados se se cumpren os seguintes requisitos:
– O traballador que vai ser desprazado debe estar afiliado e ter cotizacións en calquera réxime da Seguridade Social española. Se se trata de traballadores que non estiveran sometidos a ningunha Seguridade Social, aplicaráselles a lexislación española de Seguridade Social, sempre e cando teñan residencia legal en España. O período que se autoriza no formulario E101 «Certificado de lexislación aplicable», non pode ser superior ó do contrato de traballo ou ó do seu permiso de residencia.
– Subsistencia do vínculo orgánico entre a empresa contratante e o traballador durante todo o período do desprazamento.
– A empresa española ten que exercer actividade en España.
Se o traballador contratado por unha empresa española para exercer a súa actividade noutro país, non reside en España no momento da súa contratación, non se aplica a lexislación española de Seguridade Social e queda sometido á do país onde vai exercer a actividade.