204
¿Cal é o réxime xurídico das prestacións dos traballadores desprazados a un país da ue?
O traballador ou traballadora desprazado ó territorio doutro Estado membro que cumpra os requisitos establecidos no apartado anterior, quedará suxeito á lexislación do primeiro Estado membro (por exemplo, España) (art. 14.1.a e 14.1.b do Rgto. CE 1408/1971).
A norma comunitaria aplícase a todas as lexislacións relativas a ramas da Seguridade Social relacionadas con:
– enfermidade e maternidade
– incapacidade
– xubilación
– accidente de traballo e enfermidade profesional
– subsidios por defunción
– desemprego
– prestacións familiares
Con respecto a estas prestacións, hai que ter en conta que:
Para adquirir o dereito ás prestacións de carácter contributivo e non contributivo previstas no Regulamento, pódense sumar os períodos de seguro, emprego ou residencia cumpridos en calquera outro Estado membro da Unión Europea, nun Estado parte do Espazo Económico Europeo ou en Suíza.