179
3.2.8.B. Incapacidade Permanente Total
¿Cal é base reguladora?
Se a incapacidade deriva de enfermidade común e o período mínimo de cotización esixido é igual ou superior a oito anos, o cociente que resulte de dividir por 12 as bases de cotización do interesado durante os 96 meses inmediatamente anteriores ó feito causante. Se o período mínimo de cotización esixido é inferior a oito anos, a base reguladora obtense ó dividir a suma das bases que se esixan como período mínimo de cotización polo número de meses, e multiplicar este divisor por 1,1666.
Se a incapacidade deriva de accidente non laboral, a base reguladora será o cociente de dividir por 28 a suma das bases de cotización do interesado de 24 meses ininterrompidos. O período será elixido polo interesado dentro dos sete anos anteriores á data do feito.
Se a incapacidade deriva de accidente de traballo ou enfermidade profesional, a base reguladora calcúlase sobre os salarios reais –tendo en conta que non poden exceder do tope máximo de cotización nin ser inferiores ó tope mínimo– vixentes ó sobrevir a incapacidade. Será co cociente de dividir por 12 a suma de: salario e antigüidade diarios do traballador na data do accidente ou da baixa por enfermidade por 365 días, pagas extras, beneficios ou participacións e ingresos, horas extras, pluses e retribucións complementarias recibidos nos doce meses anteriores.