III - Seguridade Social
3.2 - Prestacións Básicas da Seguridade Social en Galicia
148
3.2.5. Pensión de Orfandade ¿Cando se extingue o dereito á pensión de orfandade? – Ó cumprir a idade máxima fixada en cada caso, salvo que nese momento tivese reducida a capacidade de traballo nunha porcentaxe valorada nun grao de incapacidade permanente absoluta ou grande invalidez. – Ó cesar a incapacidade que motivou a pensión. – Adopción. – Ó contraer matrimonio. – Por falecemento. – Se se comproba que o traballador desaparecido non faleceu no accidente. Se a orfandade se extingue por algunha das catro primeiras causas, sen que o beneficiario percibise doce mensualidades da pensión, aboaráselle nunha soa vez a contía para completala. A mesma regra será aplicable cando o beneficiario non ingresara cantidade ningunha da pensión de orfandade antes de chegar á idade límite para ser perceptor desta, porque a solicitou en data posterior ó cumprimento da dita idade, sempre que a data do feito causante reunira as condicións para ser beneficiario.