III - Seguridade Social
3.2 - Prestacións Básicas da Seguridade Social en Galicia
158
3.2.6. Prestacións por Xubilación ¿Cales son as incompatibilidades da pensión por xubilación? A percepción da pensión é incompatible –excepto na xubilación parcial e flexible– co desempeño de traballos por conta allea ou propia ou coa realización de actividades para administracións públicas, que dean lugar á súa inclusión no réxime xeral ou nalgún dos réximes especiais de Seguridade Social. No caso de reincorporación á vida laboral en xornada completa, a prestación queda suspendida e as novas cotizacións melloran a porcentaxe para aplicar á base reguladora que se mantén da pensión inicial. Non obstante, as persoas que accedan á xubilación poderán compatibilizar a percepción da pensión cun traballo a tempo parcial, minorándose a contía da pensión en proporción inversa á redución aplicable á xornada de traballo do pensionista en relación a un traballo a tempo completo.