145
3.2.5. Pensión de Orfandade
¿Quen son os beneficiarios da pensión de orfandade?
– Os fillos da persoa causante, calquera que sexa a súa filiación.
– Os fillos, calquera que sexa a súa filiación, que o cónxuxe sobrevivente achegase ó matrimonio, sempre que este se celebrase dous anos antes do falecemento do causante, convivisen ás súas expensas e, ademais, non teñan dereito a outra pensión da Seguridade Social nin queden familiares coa obriga e posibilidade de prestarlles alimentos, segundo a lexislación civil.
Na data do falecemento do causante, os fillos indicados nos parágrafos anteriores deben ser:
– Menores de 18 anos ou maiores que teñan reducida a súa capacidade de traballo nunha porcentaxe valorada nun grao de incapacidade permanente absoluta ou grande invalidez.
– Menores de 22 anos, ou de 24 se non sobrevivise ningún dos dous proxenitores, nos casos en que o fillo do causante non efectúa traballo lucrativo por conta allea ou propia, ou cando o realiza e os ingresos que obtén en cómputo anual resultan inferiores ó 75% do salario mínimo interprofesional que se fixe en cada momento, tamén en cómputo anual.